القلب الخائن؟

كم عطيت وكم خذيت وكم بكيت وكم شكيت
كل ما اكتب قصيدة عشق منها الدمع سالي
ذكرتني هالقصيدة بالحبيب اللي نسيت
ليه من عقب السوايا اللي مسويها طرالي
وليه دايم اذكر اسمه في كلامي لاحكيت
وليه لما اجلس لوحدي اتخيله جالس قبالي
وليه لما اذكر فراقه هلت دموعي وبكيت
وليه اناجي في غيابه وحدتي وسود الليالي
وليه من هم المفارق قمت اسطر بيت بيت
وليه جرح القلب يكبر لا انجرح من عند غالي
وليه من بد الخلايق غير خلي ماهويت
وليه وليه وليه وليه وليه هو مصدر سؤالي
وليت ماتنفع ولو تنفع لا اردد ليت ليت
ليت لو بس يدري عن عناي اللي جرالي
كان مافارق عيوني ولا على شوفه ضميت
صار همي من بعد فرقاه يوزن له جبالي
همي بكفه وفي كفه هموم اهل الكويت
ليت يذكر مامضى له يوم هو جالي وعنالي
وليت يذكر يوم غاب ومن عذابي له عنيت
صرت اردد في غيابه اااه ياحلو الوصالي
ماعلى قلبي ملام ولاعلى قلبه سليت
من محبة صاحبي صرت اعشق الجو الشمالي
ولو دروبه كلها اشواك انا لاجله مشيت
صورته سبحان ربه قمت ٍ فوق الجمالي
وضحكته ياخلق ربي مثلها ماقد رأيت
وكل شيٍ دون حمد الله يعود للزوالي
واحمد الله انك بقلبي دخلت ولااستحيت
واسمك بوسط الخفوق وصورتك دايم قبالي
بس افهم شي واحد بالقصيدة لاقريت
يمكن اصعب شي فرقى واحدٍ ينعد غالي
لكن الاصعب خيانة قلب لامنك وفيت

منقول ولكن اعجبني واتمنى ان يعجبكم

وليه وليه وليه وليه وليه هو مصدر سؤالي
وليت ماتنفع ولو تنفع لا اردد ليت ليت
ليت لو بس يدري عن عناي اللي جرالي
كان مافارق عيوني ولا على شوفه ضميت
صار همي من بعد فرقاه يوزن له جبالي

كلام رائع بس الخيانة اصعب شي
في الوجود
تقبل مروري

لا تبكي على من خان
مهما كلن ومين ما كان
وافتح قلبك للزمان
وما تكون على شيء ندمان

تقبل مروري ودمت بخير

abuljod كتب:: لا تبكي على من خان

مهما كلن ومين ما كان

وافتح قلبك للزمان

وما تكون على شيء ندمان

تقبل مروري ودمت بخير

كم مرورك وكلامك رائع ياشاعر المنتدى
اتمنى تواجدك معنى دائما ولي شرف بمرورك

كلام رائع بس الخيانة اصعب شي
في الوجود

صدقتي هدهد
اتمنى لك السعادة دائما اخوكي ماهر

كلااام رائع جداااا
اكيد الخيانة صعبة جدا
والأصعب انت نعيش ولا ننساها مع صاحبها
تقبل مروري أخي الكريم